Christiania Mannskor + Klepp Mannskor

Denne kvelden møtest Christiania Mannskor – Noregs einaste profesjonelle mannskor, leia av dirigent Marius Skjølaas – og Klepp Mannskor, eit tradisjonsrikt lokalt mannskor under leiing av Rannveig Skiri Mosbakk, med Gunnar Due Tungland på piano.

Programmet byr på klassiske mannskorsongar, mellom anna nokre tonesette tekstar av Arne Garborg. Som ei ekstra ramme vil Inger Undheim frå Garborgsenteret dele kunnskap om Garborg si rolle som songtekstforfattar.

Dette vert eit sjeldan høve til å høyra to mannskor med ulik profil, både i samsong og kvar for seg. Her får du oppleva gamle mannskorskattar – og korleis Garborg sine ord lever vidare gjennom musikken.